علی اصغر شعردوست شهریارین یاشاییشینی خالق یاشاییشی ایله عینی اولدوغونو دئیه رک آرتیردی: تبریز ما عموم خالق کیمی یاشاییردی ائله بونون اوچون ده خالقین اوره یینی قازانماغا نائل اولدو.
شعردوست شهریارین ایران غزل شعرینین سونونجو وارثی آدلاندیریب دئدی: تبریز ما شعرین بوتون قالب لرینده شاه اثرلر یارادیب. بو بویوک شاعیر تورکجه شعرلری ایله یاناشی، فارسجا غزل شعرلرینده تبریز ما مکتب و اسلوبو یارادبیر دیر.
ایرانین تاجیکستان داکی کئچمیش سفیری شهریارین تورکجه شعرلرینی بو دیلین احیا ائدنی بیلیب دئدی: اوستاد تبریز ما حیدربابا و سهندیه کیمی بویوک منظومه لر و شاه اثر یاراتماقلا آذربایجان تورکجه سینده اوز ایزینی ابدی ائدیب دیر.
شعردوست آرتیردی: اوستاد تبریز ما اوندان سونرا کی شاعیرلره یئنی بیر یول آچدی و شهریاردان سونرا چوخ شاعیر اونون شعرلرینی تقلید ائدرک اونون یولونون داوامچی سی اولدولار.
تبریزین اسلامی شورا مجلسینده کی کئچمیش وکیلی شهریور آیینین ۲۷ نجی گونونو ایران شعر و ادب گونو آدلاندیریلماسی اهمیتی حاقیندا دئدی: شهریارین ایران ادبیات و شعرینده کی ایزینه باخاراق او بویوک شاعیرین اولوم گونو مدنیت عالی شوراسی وریندن فارس شعر و ادب گونو آدلاندی.
شعردوست سوزلرینین سونونجو حیصه سینده دئدی: بئله بیر گونده شهریاردان و بونونلا برابر فارسجا و تورکجه ادبیات و شعردن تجلیل اولونور نیه کی بوگون حقیقت ده شعر و ادبیاتا حصر اولونوبدور.
اوستاد تبریز ما موزه سینین متولی هئیتینین باشچی سی بو ایل ده کئچن ایللره تای شعر و ادب گونونون داها طمطراق لی کئچمه سینی اومود ائتدی.