تبریزین ایشیقلاندیرما سیستم لری بیر ساعات سؤندو

تبریز ما: «یئر ساعاتی دونیا گونو» ایله بیر زاماندا تبریزین ایشیقلاندیرما سیستم لری بیر ساعات سوندورولدو.

 

تبریز بؤیوک شهری دونیانین باشقا شهرلری ایله یاناشی مارس آیینین سون شنبه گونونده یئر ساعاتی نی قارشیلادی.

 

ائله بو مناسبت اوچون کئچن گئجه تبریزده بوتون ایشیقلاندیرما سیستملر سوندورلدو. تبریزین بلدیه عمارتی، شرقی آذربایجان والی لیک عمارتی، بلدیه نین مرکزی بیناسی، ائل گلی عمارتلرینین ایشیقلاندیرما سیستم لری دونن گئجه ساعات 20:30 دان 24:30 قدر سوندورولدو.

دونیا یابانی حیات فوندو (World Wildlife Fund) 2007نجی ایلده بیرینجی دونه اولاراق استرالیا دا یئر ساعاتی طرحی نی اجرا ائتدی. ائله همین ایل دونیانین مختلف بولگه لرینده بو طرح ، چوخ گوزل قارشیلاندی.

 

«یئر ساعاتی دونیا گونو» ایندی 128 اؤلکه بو طرح ده اشتراک ائدیر.

 

بو طرحین اساسیندا هر ایل، مارس آیینین سون شنبه گونونده میلیون لار اینسان بیر ساعات بویونجا یعنی ساعات 20:30 – 21:30 آراسیندا آرتیق یانان چیراقلاری سوندورمک له انرژی مصرفینی آزالدماغا چالیشیرلار.

 

«یئر ساعاتی دونیا گونو» اقلیم ده ییشیک لیگی و اطراف چیرکلیلیگینین آزالدیلماسی اوچون آپاریلان بیر پروژه دیر.

[ad_2]