بو مراسم ده، دکتر مجید خدابخش شرقی آذربایجان والی سی و دکتر شکور اکبرنژاد تبریز اسلامی شوراسینین رئیسی، تبریز بلدیه باشچی سینین حؤکمونو، مهندس شهین باهره تقدیم ائتدیلر.
تبریز بلدیه رئیسلرینین معارفه و تکریم مراسمینده، شرقی آذربایجان والی سی، اسلامی شورا عضولری، تبریزین اسلامی شورا مجلسینده کی بیر نئچه نماینده سی، و اجرایی تشکیلات لار و نظامی انتظامی قوه لردن ده قوناقلار واریدی.
بو مراسم ده دکتر صادق نجفی، تبریزین کئچمیش بلدیه باشچی سی نین زحمت لری قیمتلندیریلدی.
بونونلار برابر تبریز بلدیه سینین کئچیجی (موقت) رئیسی مهند اسحقی دن ده تقدیر اولوندو
مهندس ایرج شهین باهر پاییز فصلینین اول گونلرینده، تبریزین اسلامی شورا طرفیین اکثریت رای نی قازاناراق، تبریزین ۵۶نجی بلدیه باشچی سی سئچیلدی.
اولکه نین داخلی ناظری ایسه آبان آیینین ۱۴ده، تبریز اسلامی شوراسی و دولتین تبریزده کی عالی نماینده سینین تصدیقلری اسلسیندا مهندس ایرج شهین باهری تبریز بلدیه باشچیلیغینا منصوب ائتدی.