جمعه, ۱۹ اردیبهشت ۱۴۰۴ /
پروین اعتصامی‌یه مشهور اولان رخشنده اعتصامی آذربایجانین بؤیوک شاعرلریندن ساییلیر به گزارش تبریز ما (به نقل از عصر تبریز)، پروین اعتصامی‌یه مشهور اولان رخشنده اعتصامی آذربایجانین بؤیوک شاعرلریندن ساییلیر. او ۱۲۸۵-جی ایلین اسفند آیی‌نین ۲۵-ده تبریز شَهَرینده دوینیایا گؤز آچدی. آتاسی میرزا ابراهیم آشتیانی‌نین اوغلو یوسف اعتصامی، اعتصام الملک آشتیانی آدینا مشهور ایدی. آناسی مقدم […]
پروین اعتصامی‌یه مشهور اولان رخشنده اعتصامی آذربایجانین بؤیوک شاعرلریندن ساییلیر
به گزارش تبریز ما (به نقل از عصر تبریز)، پروین اعتصامی‌یه مشهور اولان رخشنده اعتصامی آذربایجانین بؤیوک شاعرلریندن ساییلیر. او ۱۲۸۵-جی ایلین اسفند آیی‌نین ۲۵-ده تبریز شَهَرینده دوینیایا گؤز آچدی.
آتاسی میرزا ابراهیم آشتیانی‌نین اوغلو یوسف اعتصامی، اعتصام الملک آشتیانی آدینا مشهور ایدی. آناسی مقدم العداله‌نین قیزی بانو اختر فتوحی ایدی.
او «تربیت نسوان» آدیندا کتابی یازان عالم آتاسی‌نین تربیتی اینن بویا باشا چاتیر. عرب و فارس دیل‌لرینی‌ده آتاسیندان اؤرگشیر و آتاسی ایله بیرلیکده تهرانا گئدیر. ۸ یاشیندان شعر دئماغا باشلاییر.
پروین ۲۸ یاشیندا یعنی ۱۳۱۳-ده کرمانشاهدا شهربانی رئیسی اولان عمیسی اوغلو اینن ائولنیر. آما اونون لطیف روحی، نظامی خصلتینن توتمور و نهایتده ایکی آی یاریمدان سونرا بوشانیب آتاسی ائوینه قاییدیر.
بیر ایل سونرا یعنی ۱۳۱۴-ده پروین اعتصامی‌نین بیرینجی شعر کتابی چاپ اولور.
پروین بیر مدت تهرانین عالی دانشسراسیندا کتابچی کیمی چالیشیر و عینی حالدا شعر قوشماغا ادامه وئریر.
نهایتده اجل پروینی ۳۵ یاشیندا ۱۳۲۰-جی ایلین فروردینین ۱۵-ده ادب و شعر دونیاسیندان آلیر و پروین قم شهرینده عایله مقبره‌سینده آتاسی جیواریندا تورپاغا تاپیشیریلیر.
پروینین دیوانیندا ۲۴۸ قطعه شعر وار کی اونلارین ۶۵ قطعه‌سی مناظره کیمی یازیلیب.
asrtabriz.ir/news/177362
