محمد اشرف نیا شهرین اساس مسئله و چتینلیگینین نه اولدوغو حاقدا دئدی: تبریزین اساس مسئله سی نی دئمک اوچون ایلک نوبه ده بو شهری تانیمالی و ساغلام بیر شهرین معناسینی آنلامالییق.
اونون سوزلرینه گوره تمیز و ساغلام بیر شهر بیر معنادا اوزونه مخصوص خصوصیتلره مالک دیر: هر بیر کس اوز قابلیترینه اساسلاناق چالیشدیغی مجموعه ده باشاردیغی قدر چالیشیبدیر و شهرده هئچ ایش گورلومویوب دئمک دوز سوز دئییل.
تبریز شهرینین اسلامی شورا اویه سی دئدی: کوهنه تیکینتی ناحیه لری شهر چئوره سینده و غیر استاندارد ائو و محله لرده یاشایان لارین احوالاتینا یئتیشمک هم دولت، خدمت وئرن اورگان لار و هم ده اسلامی شورانین وظیفه سیدیر. بو یئرلرده یاشایان اینسانلار غیر ایمن ائولرده یاشاماقلا برابر شهرده وئریلن خدمت لردن ده محروم اولورلار.