حجت الاسلام و المسلمین محمد علی آل هاشم شرقی آذربایجان ژورنالیست لری ایله آپاردیغی مصاحبه ده قم شهرینین علمیه حوزه سینین معلم لری و اسلامی بلاد عالیم لرینین سکیزینجی اجلاسینین تبریزده کئچیریله جه ییندن خبر وئردی.
آل هاشم دئدی: بو اجلاس شرقی آذربایجان، غربی آذربایحان و اردبیل ولایت لرینین ایش بیرلیگی و تبریزین ائو صاحیب لیگی ایله کئچیریله جک و بیز بو اوچ اوستانین ایش بیرلیگینی خوشبین لیک له قارشیلاییریق.
او دئدی: بو اجلاس دا قم علمیه حوزه سینین مدرس لر جامعه سینین عضو لرینین چوخو اشتراک ائده جک همچنین بو اجلاسین خبرلرینی یاییان و بیزیم له ایاق اولان بوتون خبریازان و ژورنالیستلردن تشکور ائدیرم.
آل هاشیم آرتیردی: بو اجلاسیه مهر آیینین ۲۶ و ۲۷نجی گونلرینده کئچیریله جک.اجلاسین بیرینجی گونونده اوچ کمیسیون آذربایجان علمیه حوزه سی و قم علمیه حوزه سینین ۲۵۰ نفر اوستاد و فاضیل لرینین حضورو ایله ، دین خادیم لری و حوزه مسئله لری، سیاسی، اجتماعی و تبلیغی مسئله لری آراشدیر.
ولی فقیه ین شرقی آذربایجان داکی نماینده سی، بو اجلاسین مختلف کمیسیون لاری حاقیندا دئدی: بو اجلاسین مدنی کمیسیونو، تبلیغ، احکام و خالقین اصیل مدنیتیندن حمایت ائتمک موضوعلاریندا چالیشاجا، حوزه و دین عالم لری کمیسیونو ایسه، علمیه حوزه لرین مسئله لری، حوزه لرین دینی و علمی و تحصیلی مسئله لر، شرقی آذربایجان گنج و یئنی یئتمه لرین ظرفیت لرینی تانیماق، و طلبه لرین معیشت مسئله لرینی آراشدیراجاق. بونلارلا برابر سیاسی کمیسیون دا اجتماعی، سیاسی و شبهه لر و کاذب وسهو عرفانلاری آراشدیراجاقدیر.