سعید حاجی زاده بو خبری اعلان ائده رک آرتیردی: تبریز بلدیه سی تهرانین اون بیرینجی بین الملل توریسم سرگی (نمایشگاه)یندا «تبریز۲۰۱۸ » و «بایرامی تبریزده» پروژه لرینی معرفی ائتمگ هدف و آماجی ایله اشتراک ائدیب.
او دئدی: تبریز بلدیه سینین کئچمیش ایللرده بو سرگی ده حضور تاپماسی، تبریزده اولان توریسم پتانسیللرینی تانیتماغا فرصت و امکان یارادیب دیر و بو ایل ده و فرصت دن داها آرتیق فایدالانماغا چالیشاجاغیق.
تبریز بلدیه سینین اجتماعی رابطه لر و بین الملل علاقه لر مسئولو تبریزین آدلیم صنعتکارلاری و هنرمندلرینین بو سرگی ده حاضرلاماسینی خاطیرلاداراق دئدی: اینجه صنعت و ال صنعت لرینین مختلف بولوم لرینده چالیشان صنعتکارلار لا برابر تبریز موسیقی صنعتکارلاری دا بو سرگی ده جانلی موسیقی اجرا ائده جک لر.
تهرانین اون بیرینجی بین الملل توریسم سرگی سی بهمنین اوچوندن آلتیسینا قدر تهرانین دائمی سرگی لر محلینده کئچیریلیر.