مهندس ایرج شهین باهرین یاییدیغی باش ساغلیغی مکتوبوندا بئله گلیب دیر: اودلا سو آراسیندا قالیب، آرام اوقانوسوندا و «سانچی» گمی حادثه سینده ۳۲ وطنداشیمیزین ایتگین دوشوب جان وئرمه سی چوخ درین حزن و آجی گونلر یاراتدی.
او اؤز مکتوبوندا «بهرام اتحاد» آدلی تبریزلی گمیچی نین ده جان وئرمه سینی خاطیرلاداراق اونون خاطره سینی عزیز ساییب یازدی: آذربایجان و تبریز سانچی گمی سینین مصیبتلی حادثه سینده شریک اولاراق بو غیرتلی تبریزلی گمیچی نین آدی و یادی نی ابدیته قدر یاددان چیخارتمایاجاق.
تبریز بلدیه رئیسی اوز مکتوبونون سونوندا بئله یازیب: من تبریز شهرینین خادمی اولاراق بوتون همشهری لرین وریندن اوز تاسفومو و اوره ک بیرلیگیمی بیلدیره رک، بؤیوک الله درگاهیندان بو حادثه ده جان لارین الدن وئرنلره الهی غفران و اونلارین یاخینلارینا دا صبر آرزو ائدیرم.